合法地偷窺人家的店舖

Google大神的力量已經滲透到每一個角落，用Google Map環遊世界大家都玩過啦，現在新出了更更更好玩的神奇寶貝，呢隻新的Pokemon可以偷睇人地鋪頭的內籠，仲360度，跟住你個人轉，你左轉佢又左轉，同身處係現場一樣，等我轉右睇下呢件係法國的Fromage de Meaux先，好似又幾好食喎 !

(這位是...梁朝偉!!當年佢拍的爛片<正牌韋小寶之奉旨泡妞>演一個變態韋小寶..)

新玩具大名叫Google Map Business View 商家環景 ，用 Google 提供的街景服務技術，為商家訪客提供 360 度的高畫質店內實景圖像。其實360度的場景又唔係好新既，之前中原地產都搞過黎給人睇樓，睇曬成個單位的內部，不過Google可以帶你去好奇妙的地方，奇妙的世界。

Google Map Business View帶我們走入室內，讓我們在網路上就能逛商家，看內部的裝潢或作品。其實在其他國外地區已經運行了幾年，最近開始才正式在香港上線。Google Map Business View 商家環景透過 Google 搜尋、Google 地圖和 Google+ 以虛擬方式瀏覽商家內部實景。

推薦得你用，就順便介紹幾個場:)

1. Chataigner Yves

巴黎的芝士店

2. Toy Joy

德州的玩具店，夢幻的童話世界，好多好多玩具槍，色彩極繽紛，童心立即爆炸!

3. Sarastro

倫敦的一間幾出名的傳統餐廳，又幾靚喎。

香港的商家可以找到 Google 認證的攝影機構聯絡開始影相，不過有幾多個鋪頭經理或者Marketing Manager有咁既遠見丫，老細都未必肯出錢搞，但係用黎吸引外國遊客同搞Branding係好好的工具，好似我咁，去開倫敦都會搵呢間Sarastro食下啦，咁鬼得意。

點玩??? 打開電話Google Map，搜尋地方，如Chataigner Yves，點撃See Inside，再按右下的按鈕。( 記得用電話玩阿，電腦冇得轉黎轉去)

Joyce